Unioni de is Comunus de su Partiolla e de su Campidanu 'e Bàscius

Ita est NEXT

It'est su Progetu NEXT

NEXT (Network EXtensions for Territories) est unu sistema informàtigu e telemàtigu po digitalisai s'aministradura. Ddu promovint is cuatru provìntzias stòrigas sadras (Aristanis, Casteddu, Nùgoro e Tàtari), ddu còrdinat sa provìntzia de Nùgoro dinai ndi ponint su Ministàriu Po s'Annoadura e is Tennologias (Ministero per l'Innovazione e le Tecnologie) e s'Arrejoni Sarda in sa mesura 6.3 de su POR.

Su progetu tenit sa tenta de smenguai s'isulamentu de sa Sardìnnia, po ki s'aministreadura siat prus pronta a is abisonjus de sa genti. Custu ca s'isulamentu no est cosa de terra e de mari sceti, ma est unu tretu de tennologia e de curtura puru, a intr''e sa Sardìnnia e totu, intr''e is tzitadis mannas e is biddas piticas.
De custu progetu nd'ant a gosai sa genti, is siendas, is aministraduras e kini 'olit imbistiri in Sardìnnia e totu.

Cun su progetu ant a fai custus srebìtzius:

Portalada integrada (Multiportale integrato): 'onat unja primu mirada de su progetu e est un'intrada fàtzili, cun medas canalis, standardisada e assetiada. Est fata a posta po 'onai informus e srebìtzius a is aministraduras de su logu, a sa genti, a is siendas e a is assòtzius

Jassu fiderau (Corporate Portal Federato): est una setzioni de sa portalada po is dipendentis de is entis cumpanjus (partner)

Srebìtzius a sa genti: po fai prus fàtzili e amellorai s'arrelata intr''e sa genti e s'aministradura pùbriga, cun:

• Ofìtziu Unigu po sa Genti - Sportello unico al cittadino (SUAC). 'Onat informus (Ufficio Relazioni con il Pubblico) e srebìtzius telemàtigus, po is autorisaduras, is impostas e is comunigaduras
• Tzerriadroxu (Call center). Su traballu de a primu, perou po sa genti ki no tenit o ki no 'olit umperai s'Arretza (Internet)
• Ofìtziu Unigu po sa/su Professionista e po is Siendas. Tenit una tenta de informai e de mercau, po comporai e bendi cun s'Arretza
• SOS siendas. Po kin i 'olit oberri una sienda noa
• Ainas po s'oferta de su logu. Ajùdat is aministraduras, sa genti e is siendas a si arrelatai mellus in su logu, cumpartendi is cumpetèntzias e is struturas po massimisai is imbistimentus, mandai a innantis su logu in su mercau e fai atobiai domanda e oferta

Srebìtzius po s'Aministradura Pùbriga:

• Curreu Eletrònigu Certifigau - Posta Elettronica Certificata (PEC). Fait a mandai dogumentus a curreu eletrònigu de una manera ki est siguru ki sa personi ddus at arricius e ki duncas tengant balori de lei
• Arrici/Manda (Protocollo) informàtigu e aministradurade is dogumentus. Est sa bersioni digidali de s'Ofìtziu Arrci/Manda (Ufficio protocollo) e de s'aministradura de is pràtigas intr''e is ofìtzius

Comunigadura e Formadura: su progetu est unu pranu mannu po comunigai cun sa genti e cun is siendas de su logu, po is srebìtzius nous ki nci funt, po ddus umperai beni, po strumbullai sa genti a fai sciri cumenti fait a ddus amellorai.

Po kini ndi 'olit sciri de prus: Jassu de su Progetu NEXT