Unioni de is Comunus de su Partiolla e de su Campidanu 'e Bàscius

Atividadi

Su Consillu de Aministratzioni de s'Unioni

S'Unioni de is Cumunus tenit una strutura polìtica chi assimbillat a una Giunta Cumunali: a custa strutura ddi nant Consillu de Aministratzioni.
Duncas su Consillu aministrat s'Unioni e circat de sighiri totu is obbietivus chi at postu a fundòriu s'Assemblea. Fait totu is àutus, foras de cuddus chi depit fai su Presidenti, su Segretàriu o is atras struturas o personis, segundu su chi cumandat sa lei.

Su Consillu de Aministratzioni tenit unu rapresentanti po dònnia Cumunu, dicidiu de su Consillu Cumunali, e unu Presidenti.
Su Consillu de Aministratzioni durat cincu (5) annus e chini ndi fait parti abarrat fintzas a intrai is chi sighint in s'incàrrigu.

Su Consillu de Aministratzioni est una strutura collegiali. Ddu tzèrriat a s'atobiai su Presidenti de s'Unioni e podit deliberai sceti cun sa magiorantza de is votus.

Po is delìberas de su Consillu de Aministratzioni balint is normas chi ponit sa lei. Ddas firmant su Presidenti e su Segretàriu.

1 | 2