Unioni de is Comunus de su Partiolla e de su Campidanu 'e Bàscius

Introdutzioni

S'Unioni de is Cumunus de su Partiolla e de su Campidanu de Bàsciu in su 2007 at incumentzau unu trabballu po fai intrai sa lìngua sarda in is aministratzionis de is Cumunus assotziaus.

Custu progetu, e is chi funt sighius fintzas a oi, funt finantziaus cun sa lei italiana 482/99, po is minorias linguìsticas de s'Itàlia.

Tres funt is atzionis principalis:

• Is dipendentis fueddant in sardu
• Su situ-internet torrau in sardu
• Trabballu de ricerca sòciu-linguìstica

In prus, custu progetu est istètiu una ocasioni manna, po is dipendentis, po is aministradoris e po sa genti, po cumentzai a s'acostai a is chistionis de su bilinguismu, est a nai sa capacidadi e sa possibilidadi de imperai, po fintzas in is logus pùblicus, in is logus "ufitzialis", de importu, duas lìnguas, sentza de bregùngia o atra timoria.

Crachendi innoi andais a sa setzioni documentus chi podint serbiri