Unioni de is Comunus de su Partiolla e de su Campidanu 'e Bàscius

Presentada de su srebìtziu de su 2007

Presentada de su srebìtziu de su 2007

Su srebìtziu de arregorta de s'àliga de s'Unioni est arribau a su de cinc'annus e sa sperièntzia est bona. De su preguntàriu (questionario) ki eus spatinau in donniasantu, sa genti est prexada mancai ki calancunu barrancu abàrrat, ki spereus de ddu sciolli ocannu e totu.
Si torraus gràtzias po su sentidu bonu ki eis tentu fintzas a imoi e si domandaus a ligi su calendàriu e a sighiri is arrègulas.

PRUS DIIS DE ARREGORTA
De ocannu, gràtzias a prus disponibilidadi de is imprantus, eus a podi arregolli in is diis de festa puru. Perou aturai atentus/as a su calendàriu, ca calancuna 'orta ant a podi passai sa di' a primu o s'incrasi, segundu sa genia de àliga de arregolli.

S'ECOCENTRU OBERTU DE PRUS
S'ecocentru (ki di naramus Isola Ecologica) est obertu po prus diis e po prus oras. Est in Bardella, in su Logu 'e Fàbrigas de Partiolla. Po ndi sciri de orus castiai is ùrtimus pàginas de su calendàriu.

SERDIANA ìNTRAT IN SU SREBìTZIU DE S'UNIONI
De ocannu Serdiana puru, ki fiat po contu suu, cumèntzat impari a totu is atrus.

LòMPIU, PASSAU E STESIAU
S'impunna bona sighit sempri, ca in su 2006 seus arribaus diferentziai su SESSANTAXINCU PO CENTU (65%) de s'àliga. Sa lei intamus nàrat ki depemus arribai a su 45% sceti e ponit su 65% a po su 2012.
Gràtzias a totus ki ant ajudau a fai cust'arresurtau bellu e bonu meda meda.

Torra a s'introdusidura

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18