Unioni de is Comunus de su Partiolla e de su Campidanu 'e Bàscius

It'est BUS Bintunu

BUS Bintunu

B.U.S. Bintunu (Brucei, Unioni de su Partiolla e Sìnnia po Agenda Bintunu) est su progetu de "Agenda Bintunu" de su Cumunu de Sìnnia, (Aministratzioni capofila), su Cumunu de Burcei e s'Unioni de is Cumunus de su Partiolla e de Campidanu de Bàsciu(Dolianova, Serdiana, Solèminis, Donori, Barrali e Sètimu).

Totus imparis faint 39.221 abitantis (ISTAT 2001) e unu sartu de 54.133 ètarus.

Is aministratzionis cumunalis chi eus nau mandant a innantis su progetu "Agenda 21" po aministrai de manera sostenìbili e, impari a sa cumunidadi, arrespetai su territòriu e sa calidadi de sa vida.

Situ ufitziali de BUS Bintunu

IS OBIETIVUS: comunicai de prus po chi sa genti siat prus cuscenti de su svilupu sostenìbili e po chi pighit parti a custa idea, ponendi a traballai is iscolas e is assòtzius de su logu.

Puntu centrali de totu su progetu est a fai Pratzas (Forum) temàticas po agatai strategias e arrespustas a is chistionis.

A chini bolit intrai in sa pratza podit cracai innoi: Forum BUS Bintunu

Ant pentzau un'arrelata po cument'est su logu (Rapporto sullo Stato dell'Ambiente) ki tòcat a dda fai averiguendi de manera sighia e ki srebat po fai pranus de manera informada de is puntus de debilesa e de fortza de su logu.

S'amelloramentu de sa calidadi de sa vida de sa genti at'essi cun tragus (trasporti) prus fortis, energia naturali (alternativa), cincinu (risparmio) energètigu, prodùsius de su logu (spècias in s'enogastronomia), umperu econòmigu de su scusòrgiu naturali (risorse ambientali).

TRUMA DE PROGETU: Maria Assunta Angotzi, Pàola Azuni, (Comunu de Sìnnia), Mragarita Galasso, Titziana Lecca (Unioni de is Comunus), Katiùscia Concas (serketeria obradora de progetu), Arba Garau, Larenta Cavinato, Walter Piras (ALEA Soc. Coop. a r.l.).

PARTNERS: pìgant parti a su progetu a cumpanjus (in qualità di partner) sa sotziedadi ACQUA VITANA Spa, assòtzius de boluntariau (MA.SI.SE. e Club Sub Sinnai), su GAL (Gruppo di Azione Locale) “Monte Genis”, su Sindigau CGIL Cumpartu de su Logu, sa Cobradora Sotziali (Coop.Soc.) FRL ANTEROS Onlus e su fumeddu “FISIETTO e C. - la Saga dei Pistis”.
Faint connosci a sa genti AL21, pìgant parti a is atzionis, proponint e promovint maneras noas de adelantamentu (nuovi modelli di sviluppo).

SU DINAI (RISORSE FINANZIARIE): Su dinai po su progetu est 79.783,22 €. S'Arrejoni Sarda (Assessorau a sa Defensa de sa Naturalesa - Srebìtziu Adelantamentu Poderau, Autoridadi de su Logu e Polìtigas Europeas) at postu 63.000 €. Totus impari is Comunus ant postu 15.783,22 € e ACQUA VITANA at aciuntu 1000,00 €.

1 | 2 | 3 | 4 | 5

Documentus chi fait a scarrigai

• PROGETTO_BUS_21_(estratto).pdf