Unioni de is Comunus de su Partiolla e de su Campidanu 'e Bàscius

Introdutzioni

Contras a su sìntzulu

Est una chistioni de interessu mannu, ca tocat a ponni impari s'abisòngiu de bivi beni cun s'abisòngiu de arrispetai s'ambienti.
Su sìntzulu ddu teneus, ma si podint fai atzionis de importu mannu.

Sa Provìntzia de Casteddu (po su prus su Servìtziu Antinsetti de s'Assessorau a s'Ambienti) at fatu custa lista de consillus bonus meda:

CONTRAS A SU SINTZULU: Consillus po sa genti

Su sìntzulu fait una parti de sa vida in s'àcua, po cussu tocat a no fai e a no lassai piscinas (pozze d'acqua) in is domus o acanta de is domus, ca po su sìntzulu est su logu mellus po fai s'ou e po cresci. Su sìntzulu, su prus de is bortas, no si stèsiat de su logu anca est nàsciu.

Duncas tocat:

• A bogai dònnia cosa chi si podit preni de àcua (bòtus, sìcias, testus, sutatestus e aici narendi) de is curridòrius, de is coberturas, de is pratzas, e de is ortus; candu no fait a ddus bogai iat essi mellus a cambiai s'àcua e a ddus allichidiri assumancu una borta a sa cida;
• A coberri beni is bratzas po s'àcua e is putzus cun telus de plàstica o cun sintzuleras;
• A preni is bratzas de pisci chi papit s'ou e su brèmini de su sìntzulu; po nai, su chi in italianu ddi nant "gambusia"; su pròpiu in is bratzas mannas de is siendas e de is istruturas po su sport;
• A sbuidai is bratzas po annadai, candu no ddas imperais;
• A mantenni beni is putzixeddus e is depuradoris po chi no perdant nudda; po is grondas e is cunetas balit sa pròpiu cosa, po chi s'àcua no ddui abarrit;
• A no lassai in su sartu cosa fuliada de domu anca s'àcua si podit arregolli (cubertonis, lavatricis, sanitàrius e aici narendi)

Po ndi sciri de prus

Ufìtziu Disinfestatzioni de sa Provìntzia de Casteddu
Tel. 070.606.64.81/64.28 - Fakis: 070.606.64.17

Unu situ po candu su logu si prenit de babballotis:
http://www.ricerche-disinfestazione.com/index.html