Unioni de is Comunus de su Partiolla e de su Campidanu 'e Bàscius

Ainas po s'arregorta diferentziada

Ainas po s'arregorta diferentziada

Donniunu de is Comunus po ki s'Unioni fait s'arregorta de s'àliga e pàgat s'imposta TARSU tenit deretu a arriciri:

• 5 matzus de 30 bustas murenitas po s'ùmbidu (in Partiolla 6 matzus);
• 1 matzu de 30 bustas grogas po sa pràstiga (in Sètimu sceti)
• 1 calendàriu de su 2007 cun totu is informus (ddu podeis scarrigai a PDF de custa pàgina).

Is bividoris nous ndi podint pigai puru:

• una sìcia de 50 litrus, niedda, po su paperi, sa pràstiga, s'imbidri e sa cosa abarrada (po ndi sciri de prus castiai su calendàriu);
• una sìcia de 21 litrus, bidri, po s'ùmbidu.

Po totu custu no tòcat a pagai nudda, ca su prètziu intzoru ddu pàgat s'imposta TARSU e totu.

A kini 'olit cosa in prus (una sìcia noa, atras bustas e aici nendi) si dd''ònant in su Comunu suu, presentendi s'arricida de cumenti est andau a dda pagai a primu e totu, ki is prètzius funt:

• sìcia niedda de 50 litrus, cun su tuponi: € 9,90
• sìcia bidri po s'ùmbidu, de 20 litrus cun su tuponi: € 5,70
• matzu de 30 bustas murenitas po s'ùmbidu: € 0,85
• matzu de 30 bustas gorgas po sa pràstiga (in Sètimu sceti): € 2,00
• calendàriu 2007: € 1,20

Su prètziu tòcat a ddu pagai in su contu de su curreu n. 37279155 (conto corrente postale) a sa "Tesoreria dell'Unione dei Comuni del Parteolla e basso Campidano" scriendi “Cosa in prus po s'arregorta diferentziada”;

Torra a s'introdusidura

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18

Documentus chi fait a scarrigai

• Avviso_al_pubblico_A4_-_costo_materiale_supplementare.pdf