Unioni de is Comunus de su Partiolla e de su Campidanu 'e Bàscius

Preguntas e Arrespustas

SU KI SI PREGùNTANT DE PRUS

Fare la raccolta differenziata è un obbligo di legge?
Eya, tòcat a dda fai a marolla. Ddu cumàndat su "decreto legislativo n°22/97 (Decreto Ronchi) a s'art. 39".

Perchè la legge ha imposto la raccolta differenziata?
Ca no s'agàtat prus logu po nci fuliai s'àliga (castiai in Campania su ki est sutzedendi), ca ndi feus sempri de prus (dònnia annu ndi feus su 2% in prus).
Est aici meda ca no fait nimancu a dd'abruxai totu e, mancai ki dd'abruxamus, agoa tocàt a agatai logu po su cinixu e totu.

Facendo la raccolta differenziata risparmiamo?
Ki seus narendi de impostas, sa kistioni est aici: in su passau, kentz''e fai sa diferentziada, spendemus 50, imoi cun sa diferentziada seus spendendi 100, ma oi, ki bolemus torrai agoa e no fai sa diferentziada, emus a spendi 200.
Su cincinu (risparmio) est in totu s'economia, sempri ki s'economia siat justa, ca
1. sa sotziedadi at spendi prus pagu po fai discàrrigas
2. a fai una cosa fata cun materialis torraus a fundi su prus de is 'ortas còstat prus pagu meda.

Perchè dobbiamo fare la raccolta dell'umido?
Po duas arrexonis:
1. Ca s'ùmbidu est su 30% de totu s'àliga, duncas est meda e ki no dd'arregolemus no emus a podi arribai a is tandas (quote) de àliga arregorta ki tòcat a arrespetai.
2. Ca una lei arrejonali at stabilèssiu ca is Comunus ki no arregollint s'ùmbidu depint pagai su 30% de prus candu àndant a nce ddu ghetai a sa discàrriga o a dd'abruxai. Intamus ki unu Comunu dd'arregollit, dd'abàsciant su prètziu de su 30%.
Duncas, ki no dda faemus, femus spendendi de prus.

Il materiale che stiamo differenziando nell'Unione viene riciclato?
Eya. Su paperi ddu pòrtant a nke "Papiro Sarda" de Macchiareddu;
sa pràstiga a nke "So.Ma. Ricicla" de Macchiareddu;
s'imbidri, s'atzarju e s'allumìniu a nke "Ecosansperate", de Santu Sparau;
is atrus metallus a nke "West Recycling" de Macchiareddu;
s'ùmbidu a nke su "Consorzio Industriale" de Biddexidru.