[ Vai al menu principale | Vai al menu secondario | Vai al contenuto della pagina ]
Primu pagina > Contenniu > Cuncursus, garas e atividadi ULS 2013 > Scola Primària de Sètimu
Scola Primària de Sètimu
In su mesi de abrili e de màiu s'Ufìtziu po sa Lìngua e sa Cultura Sarda de su Cumunu de Sètimu at mandau a innantis un'àteru progetu impari a sa classi 3a de sa scola primària, cun sa collaboratzioni e supervisioni de sa maista Anna Maria Pùliga.
Sighendi a sperimentai un'atzioni didàtica chi andit paris cun sa programatzioni ordinària, eus chistionau de preistòria in Sardìnnia e de ambienti naturali.
Is letzionis, de sa durada de duas oras donniuna, ddas fedestus cun sa proietzioni de imàginis, circhendi de inghitzai is pipius a castiai beni su chi biriant e a ddu spiegai in sardu.
Is animalis e is matas tenint una forma, unu colori, funt mannus o piticus, tenint follas, alas, corrus, su bicu o is murrus: e intzandus tocat a agatai is fueddus giustus.
Sa connoscèntzia de sa lìngua passat po sa scèntzia, e is cumpetèntzias postas in giogu crescint.
In classi, cun sa maista, is istudentis ant fatu unu cartelloni, innui is animalis funt torraus a su logu naturali intzoru, impari a is matas.
A ùrtimu eus fatu una bessida a su sartu, a s'Acua de is Dolus.
Documentus chi fait a scarrigai
Copyright © 2004 Unioni de is Cumunus de su Partiolla e de su Campidanu de Bàsciu. Su sìmbulu dd'at pentzau e dd'at fatu Cristiana Majone