Unioni de is Comunus de su Partiolla e de su Campidanu 'e Bàscius

Palcu a pesoni

Pesoni de su Palcu - Noleggio palco

S'Unioni tenit unu palcu modulari de 100 mq, fatu cun 25 partis ("moduli") de 2x2 m. donniunu. Est po is Comunus de s'Unioni ma ddu podint apesonai, po unu tempus scìpiu, atrus Entis puru, assòtzius, comitaus e trumas de privaus. Ki is diis funt is pròpius, is Comunus tenint sa precedèntzia.

Arregulas po dd'umperai
Is arrègulas funt in s'arregulamentu ki eus postu in bàscius.

Prètziu
- una tanda (quota) de 1,00 € po dònnia mòdulu po dònnia di', fintzas, a su prus, a 7 diis. De sa de 8 diis a innatis sa tanda àrtziat a 1,10 €. No poneus IVA. Is Comunus de s'Unioni no pàgant nudda.
- una assiguradura (cauzione) de 10,00 € a mòdulu, po calikisiat tanti de diis. Ki su palcu dd'arrogais o ndi pedreis partis, s'allogaus totu su tanti e ki su dannu est de prus s'eus a domandai atru dinai puru.

Tòcat a pagai cun su Contu 'e Curreu (conto corrente postale) n. 37279155 po su "Servizio Tesoreria dell'Unione dei Comuni del Parteolla" ponendi cumenti arrexoni "Pesoni de su palcu modulari".

Po domandai su palcu
In calikisiat Comunu de s'Unioni presentai sa domanda, ki su mòdulu dd'agatais innoi in bascius, e is arricidas de cumenti eis pagau. Eis essi 'osatrus e totu a nde ddu depi pigai, a ddu montai e a ddu torrai, candu si nàrat s'Unioni e totu. Cumenti ddu torrais, s'arresponsàbili at a fai su verbali e dd'eis a depi firmai.

Documentus chi fait a scarrigai

• Domanda_noleggio.pdf
• Manuale_montaggio_palco_modulare.pdf
• Regolamento_uso_beni_mobili.PDF